ازيكم؟
نيجى بقى للتوبيك
انت منفسن؟
محدش يتنح ويقولى انى اتجننت !
لا الحمد لله لسة بعقلى وفى كامل قوايا العقلية
ويلا نكمل التوبيك ده على خير
ركزو كدة معايا
عارفين الاول يعنى ايه نفسنة !!
النفسنة دى فيها 3 حاجات
زى شامبو هيد اند شولدرز
بس التانى 2 فى 1
النفسنة بقى 3 فى 1
حقد .. حسد .. غيرة
يعنى مثلا
انت بتحقد على واحد صاحبك
علشان بيشتغل بمرتب حلو
فتقول ايه بقى
ده اصلا مش يستاهل المرتب اللى بياخده ده
ده مش بيعرف يشتغل
ونيجى بقى للحسد
تيجى تقول
ده ايه ده بيشتغل ب 10000 ياااااااااااه
ومش يقول بسم الله ما شاء الله فى الاخر
وكمان
بتحسد واحد صاحبك عشان بيحب بنت وبتحبه
تيجي انته بقي تغير وتقول ازاي دول بيحبوا بعض
انا لازم اوقع بينهم
ويكون ده صاحبك وقاعد معااك ويقول كلام علس لسانك محصلشي منك
ليييييييه كده !!؟
نيجى بقى للغيرة
دى بقى بتجمع الحقد والحسد وكل حاجة
يعنى انت هتكون غيران من واحد صاحبك
علشان اشتغل بمرتب حلو
وهتفضل تقول ده مش يستاهل المرتب
وتيجى تقول ده انا احسن منه
انا استحق الشغلانة دى اكتر
ده انا اللى كنت بغششه فى الامتحانات
وكدة يعنى
بس طبعا فى نفسنة بتبقى مفيدة
يعنى مثلا واحد يشوف واحد صاحبه جاب تقدير اكتر منه
فيغير ويزاكر علشان يجيب تقدير اعلى هو كمان
دى كدة بتبقى نفسنة مفيدة
بس لما بتكون من غير حقد
ومن غير انى اتمنى الحاجة اللى مع الشخص ده انا تروح منه
فى ناس كتير بقى دلوقتى
ممكن تقول لحد انت منفسن يا ابنى
ولا انتى منفسنة يا بنتى
وطبعا النفسنة دى بتظهر فى البنات كتير اوى
وحصلت فى صحبه كمان فى بعض المواضيع ..
حاجه تانيه للبنات برضو
بنت مثلا عندها 25 سنة
ولحد دلوقتى مش اتجوزت
وجارتها بقى عندها 20 سنة
وبتقضى شهر العسل
تلاقى البنت دى قلبت نفسنه
وحطت ايديها على خدها
وفضلت تراقب فى جارتها دى
وتقول هى احسن منى فى ايه
ولا احلى منى فى ايه
والكلام ده
خلص كلامى انا كدة نشوف بقى كلامكم
قلولى بقى انتو ايه رأيكم فى النفسنة؟
طيب بصراحة كدة سعات بتحس انك منفسن؟
طيب قبلتو حد منفسن قبل كدة ؟
طيب اتصرفتو معاه ازاى ؟
رومـــــــــــــــــــــــــا
موضوع: انت يا عم انت وهى بطلو نفسنه شويه 
الجمعة 28 مايو 2010, 11:40 am
