ازاى نعمل الملوخيه المصريه الصح

بسم
الله الرحمن الرحيم

النهرده هنعرف ازاي نعمل الملوخيه
المصريه الصح
ازاى نعمل الملوخيه المصريه الصح X8

اولا الملوخيه اصلا عباره عن شوربه وورق الملوخيه
المخروط يبقى ايه اللي بيحكم طعمها؟

طبعا نوع
الشوربه وكمان نوع الملوخيه

نبدا بالشوربه

احلى شوربه هي الارانب طبعا يجي
بعدها الفراخ اما اللحمه والبط والحمام
بيغيروا طعم الملوخيه شويه هاتستغبروا طبعا وتقولوا ده الحمام يعني ملوخيه
بس لا الفريك اللي جوه الحمام بيغير طعم الشوربه

نحط ايه ع
الشوربه؟

فلفل اسمر
بصله كبيره
طماطمايه كبيره
فصين حبهان
ورقة لاورا وبس

متملحيش الشوربه اوي عشان الملوخيه
بتبين طعم الملح اوي

نيجي بقى لورق
الملوخيه

اختاري الملوخيه الصغيره وما يكونش
فيها قرون شبه الفلفل لان ده معناها انها عجوزه وطعمها بيطلع وحش

وانتي بتقرطفي اقطعي الورقه من غير
العنق ماعدا الشويه اللي فوق خالص اقطعيهم مع بعض
بالعنق

الخرط بقى

اوعي
تخرطيها على ورقة اللحمه لانها بتتعمل من بواقي الورق

استخدمي
كيس الارز ال5 كيلو وافتحيه وافرديه او اي كيس جامد عندك ماعدا الاسود
طبعا

وانتي بتخرطي
حطي معاها كام عود كسبره خضرا واخرطيها معاهم

عشان الملوخيه ما تسقطش نعمل ايه؟

1- استخدمي حله صغيره عشان الحله الكبيره
بتحسسك ان الشوربه قليله وتفضلي تزودي فيها

2- ابداي
بكميه شوربه قليله الاول ولو طلعت تخينه زودي حبه حبه

3- ما
تخرطيش الملوخيه ناعم اوي لان ده بيخليها تسقط بسهوله

4- ما
تغطيش الحله بعد ما تحطي الملوخيه علطول

5- ما
تقلبيش اول ما تحطي الطشه استني شويه

نيجي بقى
للخطوات

حطي الشوربه فى الحله زي ما
قلنا وعيها معلقه كبيره توم مدقوق مع كسبره وملح

قبل ما تغلي الشوربه تسقطي
الملوخيه وتقلبي كويس اوي ويدوبك تفور مره واحده اطفي عليها

الطشه بقى عباره عن 5 او 6 فصوص
توم مدقوق بملح وكسبره

انا ماباحبش اكتر التوم اوي
فيها عشان بتعمل حموضه

تحطي في الطاسه كميه كويسه من
السمنه البلدي مع حبه زيت دره وتسخنيهم وتحطي التوم فيها وتقلبي لحد ما
يصفر بس مش يحمر

بعدين طشيه ع الملوخيه وما
تقلبيش استني شويه وبعدين قلبي ودوقي لو احتاجت ملح حطيلها بس ماتكتريش زي
ما قلنا

وبالف شفا وهنا
هههههههه
يا رب يكون ظبيخي عجبكوا
رومااااااااااااااااا

hhhhhhhhhhhhhhhh tslam edak 3 ha el 2kla gamda danta tl3t tba5 gamed aho wana m3rfshy hehehehe

هههههههههه تسلم ايدك يا رامى

وعايزين المره الى جايه بقى توصفلنا طريقه عمل المسقعه باللحمه المفرومه

ههههههههههههههههاى شدنى اسم التوبيك اوى
ازاى تعمل الملوخيه الصح؟ ههههههههههاى
طيب ليه مش قولت ع الشهقه دى اهم حاجه ف الموضوع
هههههههههههههههههههههههههههههههههههههههههههاى

تقبل مروى يا حبى ومرسى لييييييك ازاى نعمل الملوخيه المصريه الصح 641794

هههههههههه هو انتا الي هتعلمنا المولخيه ب حلوه ولله عجبتني

» ازاى تتعامل مع خطيبتك؟؟؟
» ازاى تتراخم على البنات بحق الله ! هههههههههههههه
» شاب وسيييييييييم جدا شوفو بعد موتة كان شكلة عامل ازاى ؟؟؟؟؟؟؟؟؟
» هههه يا جماعة انا جايبلكم انهرضا ازاى تعملو توقيع فلاشى فى اقل من 5 دقايق واللة الموفق
» حصريا الفيديو الذى أدى الى مقتل الشاب خالد سعيد (شهيد الطوارئ) على يد الشرطة المصريه بأشد أساليب التعذيب