Fokak Meny
عضـــو جديـــد
عدد المساهمات : 54
تاريخ التسجيل : 22/03/2010
الجنس : 
العمر : 32
 |  موضوع: اشهر الجمل الى بيسمعها الواحد فى البيت جامده  الأربعاء 24 مارس 2010, 5:30 pm | |
| السلام عليكم ورحمة الله وبركاته
يارب تكونوا بخييييييير ورايفين كدا ومفرفشين دايما
النهارده جايبلكم اكتر الجمل الى بنسمعها فى البيت سواء من الاب او الام وخد عندك بقى
* ابوك دايما كان بيطلع الاول على الفصل .
* والله ما انت فالح .. وادي دقني أهه .
* هو طول النهار قدام الزفت الكمبيوتر مش ممكن كده .
* ما تلزقش في التلفزيون كده .. نظرك هيضيع هتبقى اعمى
* صحابك ايه بس...يا ابني محدش هينفعك .
* ربنا يرزقك بعيل يوريك اللي ورتهوني .
* امشى جاتك مشش فى ركبك.
* ما تطلعش على الملايه النظيفه و رجليك متوسخه كده .
*أوعا حد يضحك عليك ويقولك جرب السيجارة دي.
* ايه الا مبالاه و الاستهتار اللي انت عايش فيهم دول .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
* ما تلبسش القميص على اللحم زي العيال الصايعه .
* بلاش أكل الشارع.
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!
* ما تمشيش حافي في السقعة دي
* ما فيش مذاكرة على المزيكا وازاى.. بتذاكر و البتاع ده شغال جنبك .
* افرد ظهرك .وانت قاعد
* ماتكلش فى ضوفرك.
* كنت فين لحد دلوقتى يا صايع.يا ابن الكلب
* انا مش عارف انته طالع لمين.
* ما تتأخرش بعد المدرسه و تقعد تصيع مع أصحابك .
* بص كويس و انت بتعدي الشارع .
* ومالها الكتب بتاعة الوزاره ؟!
* اللي بيشيل قربه مخرومة بتخر على دماغه ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص .
* ما تردش عليا .
* مش عايز اسمع صوت
والى عنده اى جمله يقوووول
| |
|
Maiuia
عضــــــو مشــــــارك
عدد المساهمات : 140
تاريخ التسجيل : 14/03/2010
الجنس : 
العمر : 32
| | موضوع: رد: اشهر الجمل الى بيسمعها الواحد فى البيت جامده الأربعاء 24 مارس 2010, 9:20 pm | |
| جاااااااااااااااااااامدين مووووووووووووووووووووووووووووت تسلم ايدك | |
|
7o$am
الريــــــس الكــبــــيـــر ™
عدد المساهمات : 555
تاريخ التسجيل : 19/02/2010
الموقع : www.youtube.com
الجنس :
العمر : 31
| | موضوع: رد: اشهر الجمل الى بيسمعها الواحد فى البيت جامده الخميس 25 مارس 2010, 8:03 pm | |
| hhhhhhhhhhhhhhhhh gamdeeeeeeeen tslam | |
|
