بيرو علي كرسي الاعتراف

الاول ميرسى اوى يا رامى على كلام كده بس والله انا عمرى ما باخد فى نفسى مقلب ولا حاجه والله اسئل على وحسام
ده انا طيبه خالص والله يا جماعه
بس ياريت يا جماعه تعتبرونى اختكوا واكيد اى سؤال هرد عليه هيعتبر سر ما بينا احنا
1- للى ميعرفش بيروووو
اتفضلى قولى اسمك وسنك وعنوانك
والدراسه بتاعتك
واى معلوماات عايزه تضفيهاا ؟؟؟؟؟؟؟؟؟

انا اسمى هبه عندى18 سنه و3 شهور من ابو شاهين من المحله يعنى
فى سنه اولى تربيه رياضيه فى طنطا

2- السؤاال المعتااد ., حبيتى
ولا لاء ., وللسه بتحبى اللى بتحبيه ولا لا ., ولو لاء احكيلنا اللى حصل
.,؟؟
اه انا حبيت بس مكملناش سوا وهو بقى ليه حياه تانيه خالص اما عن الحكايه نفسها فهى طويله جدااااااااا
بس ملخصها انه يعتبر حب اتنين فانا انسحبت لانى محبتش احط نفسى فى موقف زى ده
بس ساعات بحس كتير بالندم اننا سبنا بعض بس خلاص معتش ينفع بس بجد كانت احلى فتره عشتها معاه

3- احلامك ايه ؟
انى اخلص الكليه واسافر ادعولى بقى

4- امتى بتحسى بالوحده ؟
لما بفتكره تانى وعلى فكره هو قريبى اصلا فعشان كده كنا مع بعض علطول

5-
قوللنا علامه في حيااتك .؟ حاجه اثرت فيكى يعنى ؟
اللى اثر فيا لما سيبنا بعض ولما بشوفه تانى


6- مواصفغات فتى
احلامك ؟
اهم حاجه طبعا نكون بنحب بعض وانه بيحبنى وبس المواصفات بقى بتيجى بعدين


7- لماذا تبكى المرأه ؟
لما تحس انها ضعيفه واما حد يجرحها واما متعرفش تعبر عن اللى جواها


8- انتى ليه دخلتى تربيه رياضيه عاوزة تدربي المنتخب بدل من حسن شحاته ولا عاوزة تلعبي ف الاهلي
انا بقى يا سيدى دخلتها عشان حباها جداا وحسيت انها لذيذه مختلفه عن بقيت الكليات بس

اى خدمه يا جماعه

ازيك يا بيرو منوره الكرسى والله يلا شدى حيلك بقى وجاوبى ع الاسئله دى وانا مش هتقل عليكى عشان احنا يهمنا راحه الزبون يلا نبدأ الاسئله


1_هل انتى راضيه عن نفسك وتصرفاتك ولو قيمتى نفسك فى سلوكك تدى لنفسك كام من عشره؟

2_ايه معنى الحب بالنسبه ليكى وانتى حبيتى بجد قبل كدا ولا لعب عيال؟

3_ايه العيوب الى فى شخصيتك وبتتمنى انك تصلحيها وتبقى احسن؟

4_مواصفات فتى احلامك؟

5_مين اكتر حد قريب من قلبك ؟

6_لو قالولك اختارى مابين افضل صديق ليكى ومابين حبيبك انه تعيشى معاه تختارى مين؟



يارب تكون اسئلتى خفيفه عليكى يا بيرووووووووووووووووو يلا سلام ياقمر

ميرسى يا محمود على كلامك ويارب انا بس اللى اكون بس زبونه خفيفه
1_هل انتى راضيه عن نفسك وتصرفاتك ولو قيمتى نفسك فى سلوكك تدى لنفسك كام من عشره؟
اه راضيه عن نفسى جدا بس فيه تصرفات بتكون رخمه منى وانا معترفه بكده اما فى سلوكى ممكن اكون سبعه من عشره

2_ايه معنى الحب بالنسبه ليكى وانتى حبيتى بجد قبل كدا ولا لعب عيال؟
احلى حاجه ودى اقل حاجه ممكن تتقال عليه انه بجد حاجه جميله حدا احساس حلو
انا حبيت وكان حب جامد اوى وكان جد جداااااااا سواء منى ومنه بس النصيب بقى هعمل ايه


3_ايه العيوب الى فى شخصيتك وبتتمنى انك تصلحيها وتبقى احسن؟
عندى لامبالاااااااااه فى حاجات كتير جدا وممكن تكون فى كل حاجه والحاجه دى بتزعل ناس كتير منى
وانى بمل بسرعه وببتعصب برده بسرعه
شوفولى دكتور بقى

4_مواصفات فتى احلامك؟
طبعا نكون بنحب بعض بس نفسى اوى انه يكون كبير اكبر منى بكتير مش عارفه ليه

5_مين اكتر حد قريب من قلبك ؟
هو مفيش حد معين بس اكيد صحابى بس هما مش معايا هنا فى المنتدى
بس على وحسام برتاح اوى فى الكلام معاهم يعتبروا اصلا عارفين كل حاجه عنى


6_لو قالولك اختارى مابين افضل صديق ليكى ومابين حبيبك انه تعيشى معاه تختارى مين؟
اكيد اكيد حبيبى ده هو اللى هعيش معاه يعنى يعنى عمرى هيكون معاه هو لان الصاحب اكيد هيكون ليه حياه تانيه

الله علي الاجابات يا هبه
مستنيين بقيت الاجابات

ميرسى ليكى يا قمر وسورى انى اتاخرت عليكى فى الرد
1-

اوصفي شخصيتك؟
السؤال ده صعب اوى لان مفيش حد يقدر يوصف شخصيته بما فيها من مميزات وعيوب
2-
ايه اكتر حاجه بتحبيها وايه اكتر حاجه بتكرهيها؟
اكتر حاجه بحبها الثفر واكتر حاجه بكرهها لماحد يزعلنى ويعاندنى حتى لو بهزار ولما زعل حد
3-
ايه طموحاتك المستقبليه ان شاءالله؟
انى اخلص كليه واسافر انشاء الله
4-
عملتي حاجه في حياتك وندمتي عليها؟
اه لما سبت اللى بحبه وندمانه انى محاولتش اعمل حاجه
5-

قولى بكلمه واحده تعريف لكل كلمه

الحب
هو ليه اكتر من تعريف بصراحه فهو احساس وصدق واخلاص وامل وتضحيه
الحياه
رحله
الموت
وداع
الفراق
فقدان للروح

الخيانه
انانيه واستهتار بمشاعر اللى بيحب
الجواز
استقرار وامان ومسؤليه
6-
ايه هى راحه البال بالنسبالك؟
لما بيكون مفيش حد زعلان منى او انا مش زعلانه من حد
7-
ايه نوع الرياضه المفضله ليكي ؟؟
سباحه وباسكت
8-
هاتيلي 3 اكتر اغانى بتحبيهم؟
افتكرت لحماقى
جديد عليا لهيثم شاكر
انت منى ليارا
9-
ايه نقطه ضعف هبه ؟
مبروحش اى مكان ممكن اشوف اللى كنت بحبه ده
10-
انتي رومانسيه بنسبه كام في الميه؟
ممكن 70

11-
تقولي ايه للبنات ال بيلعبو بمشاعر الولاد ؟
الحياه سلف ودين وهيجى فى يوم اللى يلعب بمشاعرهم هما
12-

هل الغيره ضروريه في الحب ؟ ومادورها؟
اه مهمه من غيرها يبقى مفيش حب انا عن نفسى غيوره جدا بس فى المعقول لان لو زادت عن حدها بتعمل مشاكل كتير ولازم يكون فيه ثقه

يعنى هو فى
كام سؤال كدة منى بصراحة هو تطفل وانا بعترف
يعنى اول حاجة بتعملى اية فى حياتك كل يوم ؟؟؟؟؟؟؟؟؟
وبتهتمى بالحب ولا لا ؟؟؟؟؟؟؟؟؟؟
وارخم سؤال بقى استحملينى ؟؟؟؟؟؟؟؟؟؟؟؟؟؟؟؟؟
بتحبى ولا لا ؟؟؟؟؟؟؟
واخر سؤال لية سميتى نفسك بيرو ؟؟؟؟؟؟؟
وشكرا واتمنى مكنتش وجعت دماغك

لا والله مش تطفل ولا حاجه واحنا كلنا فى المنتدى اصحاب واخوات
فمن حقك تسال فى اللى انت عايزه

بتعملى اية فى حياتك كل يوم ؟؟؟؟؟؟؟؟؟
ولا حاجه كل يوم زى اللى قبله بصحى الساعه6 واروح الكليه وارجع عالساعه 4 كده
العب ساعتين او تلاته كده سواء عالنت او التليفزيون وانام الساعه 7 واصحى لتانى يوم
يعنى يومى عاااااااادى جدا مش فيه اى جديد
وبتهتمى بالحب ولا لا ؟؟؟؟؟؟؟؟؟؟
اه بهتم بيه لانه بجد احسن حاجه بالذات لما بيكون حب بجد من الطرفين
وارخم سؤال بقى استحملينى ؟؟؟؟؟؟؟؟؟؟؟؟؟؟؟؟؟
بتحبى ولا لا ؟؟؟؟؟؟؟
مش رخم ولا حاجه والله يا احمد بس انا يا سيدى مش بحب
واخر سؤال لية سميتى نفسك بيرو ؟؟؟؟؟؟؟
والله مش عارفه بس وانا صغيره هما اللى كانوا بيقولولى يا بيرو فاتعودت عليه بقى
بس لما كبرت معدتش حد بيقولهولى غير عالنت

وميرسى ليك يا احمد وزى ما قولتلك تسال فى اللى انت عايزه

يالهوىىىىىى انتو قلتو كل الاسئلة طب انا اقول اية

ههههههههههههههههههههههه

كرسى اعتراف جامد المرادى

شكرا

التوقيع : عاشق القمر

hahahahahahha so2al lawlaby